Digital ID Services

Пребарување сертификати
За да on-line ја пребарувате базата на сертификати, Внесете име или e-mail адреса и кликнете на копчето БАРАЈ. Немојте да употребувате карактери кои заменуваат еден или повеќе карактери.
Пред да започнете со Вашето пребарување Ве молиме прочитајте го Договорот со засегнатата страна. Со кликнување на копчето БАРАЈ, ги прифаќате условите содржани во Договорот со засегнатата страна.

Пребарување по e-mail адреса (препорачано):

Внесете ја e-mail адесата:
(пример: zoran@kibs.mk)

Пребарување сертификати кои се:

валидни истечени

поништени сите

Пребарување по име:

Внеси име:
Внесето го името точно онака како што се појавува во сертификатот, вклучувајќи ја интерпункцијата.

Пребарување сертификати кои се:

валидни истечени

поништени сите

Договор со засегнатата страна

Договор со засегнатата страна

Засегната страна е физичко или правно лице кое делува потпирајќи се на информации од издадени сертификати.

Пред да пристапите кон проверка на полноважноста на квалификуваниот сертификат или да ја користите базата на податоци на Издавачот на сертификати КИБС АД Скопје (во натамошниот текст: Издавач) или да се потпрете на информациите за издадените и поништените сертификати, внимателно прочитајте го овој Договор со засегнатата страна (во натамошниот текст: Договор) и Правилата на издавачот на сертификати (во натамошниот текст: Правила). Правилата, кои можат да се менуваат и дополнуваат, во овој Договор се инкорпорирани со референца. Важечките Правила се објавени на интернет страната на Издавачот: http://www.kibstrust.mk/repository/cps.

Издавачот издава квалификувани сертификати кои соодветствуваат на дигиталните потписи кои се издадени во согласност со условите наведени во Директивата 1999/93/EC на Европскиот парламент и на Советот од 13 декември 1999 година за Заедничка рамка за електронските потписи (во натамошниот текст: Директива) и Законот за податоци во електронски облик и електронски потпис на Република Македонија.

Издавачот е регистриран во Регистарот на издавачи на сертификати на Република Македонија со решение број 02-20725/1 од 22.06.2006 година.

Следната табела Ви го покажува предметниот идентификатор (во понатамошниот текст: ПИ) и политиката за сертификати (DL1 или DL2) која одговара на квалификуваниот сертификат кој го барате Вие. Овие политики се опишани во документот „Политикиза издавање сертификати на доверливата мрежа на Верисајн согласно Европската директива“ (во натамошниот текст: EDP), кој е објавен во складиштето на КИБС на http://www.kibstrust.mk/repository. Секоја од овие политики за сертификати одговара на специфичните барања на Директивата, како и на соодветните специфични барања на стандардот ETSI 101 456 (Барања за политиката на издавачот на сертификати кој издава квалификувани сертификати).

--------------------------------------------------------------
ПИ              !Член        !Терминологија во !Терминологија!
                !Директивата !ETSI стандардот  !во EDP       !
                !на ЕУ       !                 !             !
----------------!------------!-----------------!--------------                 
(0.4.0.1456.1.2)!Article 5.2 !QCP public       ! DL1         !
(0.4.0.1456.1.1)!Article 5.1 !QCP public + SSCD! DL2         !

ПРЕДМЕТ НА ДОГОВОРОТ

Член 1

Со овој Договор се регулираат условите под кои Засегнатата страна пребарува квалификуван сертификат, бара потврдување на дигитален потпис кој е креиран со приватен клуч што соодветствува на јавниот клуч содржан во квалификуван сертификат или на друг начин користи или се потпира на информации или услуги обезбедени преку складиштето на Издавачот на http://www.kibstrust.mk/repository или на веб-локација која се однесува на дигиталните сертификати.

Член 2

Прифаќајќи го овој Договор Вие потврдувате дека имате пристап до доволно информации за да донесете одлука во кој обем ќе се потпрете на информациите содржани во квалификуваниот сертификат и дека сте целосно одговорни за донесување одлука дали ќе се потпрете или не на овие информации.

Вие го манифестирате познавањето и прифаќањето на условите од овој Договор со пребарување, верификување на статусот на квалификуваниот сертификат или на друг начин потпирање на информации или сервиси обезбедени од Издавачот. Со било која од претходните акции Вие сте врзани со условите од овој Договор исто како да сте го потпишале своерачно.

ОБВРСКИ И ОДГОВОРНОСТ НА ИЗДАВАЧОТ

Член 3

Издавачот има обврска да:

1. Води ажурен Регистар на издадени сертификати.<P>
2. Води ажурен Регистар на поништени сертификати (во натамошниот текст: РПС).
3. Обезбеди ограничени гаранции за засегнатите страни кои се потпираат на квалификуваните сертификати при верификување на дигиталниот потпис, и тоа дека:
 • Oбезбедува квалификуваниот сертификат да ги содржи сите потребни информации согласно Правилата.
 • Kвалификуваниот сертификат на претплатникот содржи јавен клуч што е соодветен со приватниот клуч на претплатникот генерирани пред моментот на издавање на квалификуваниот сертификат.
 • При поништување на сертификат на претплатник, Издавачот публикува информација за ова поништување во РПС согласно одредбите од Правилата.
4. Безбедно ја чува документацијата поврзана со барањата за квалификуван сертификат и соодветните записи за евиденција од Издавачот најмалку пет (5) години по истекот на рокот на важност или од денот на поништувањето на квалификуваниот сертификат.

ПРАВА И ОБВРСКИ НА ЗАСЕГНАТАТА СТРАНА

Член 4

Засегнатата страна треба:

1. Да ја верификува полноважноста или поништувањето на квалификуваниот сертификат со користење	на тековните статусни информации за поништување пред да се потпре на дигиталниот потпис креиран со приватниот клуч што соодветствува на јавниот клуч содржан во квалификуваниот сертификат. Начинот на кој може да го провери статусот на некој сертификат е со проверка во Регистарот на поништени сертификати на Издавачот.
2. Да ги земе предвид специфичните ограничувања за користење на сертификатот кои се наведени за Засегнатата страна во Правилата, и тоа:
 • квалификуваните сертификати се користат само до онаа мерка до која нивното користење е усогласено со важечките прописи;
 • претплатниците на DL2 квалификувани сертификати, на своја сопствена одговорност креираат дигитални потписи само на безбедно средство за електронско потпишување (во натамошниот текст: БСЕП).
 • квалификуваните сертификати на Издавачот не се дизајнирани, наменети или авторизирани за користење како контролна опрема во ризични околности, ниту за користење во високо-ризични активности, како што е функционирањето на нуклеарните постројки, во авионски навигациски или комуникациски системи, во контролни системи за воздушна пловидба или во контролни системи за наоружување, каде неуспехот може да доведе до смрт, повреда на лице или сериозна штета во врска со загадување на околината.
3. Да ги преземе сите други мерки на претпазливост предвидени во овој Договор.

ОГРАНИЧУВАЊЕ НА ОДГОВОРНОСТ

Член 5

Издавачот нема да понесе одговорност за:

- штети предизвикани со кражба или друга форма на компромитирање на приватниот клуч што соодветствува со јавниот клуч содржан во дигиталниот сертификат, кои можат, но не мора да бидат откриени, како и за штети предизвикани од користење на украден или компромитиран клуч за фалсификување на дигиталенпотпис на документ. 
 - било какви штети или за било каква загуба на профит или податоци кои произлегуваат од или се поврзани со користење на дигитални сертификати и дигитални потписи. 
или одговорноста е ограничена, така да:
 - во никој случај вкупната одговорност на Издавачот кон сите страни не ја надминува максималната сума за одговорност која е предвидена со Правилата.

СТАПУВАЊЕ ВО СИЛА

Член 6

Овој Договор стапува во сила во моментот кога Засегнатата страна ќе направи пребарување за квалификуван сертификат, ќе побара потврдување на дигитален потпис креиран со приватниот клуч кој соодветствува на јавниот клуч содржан во квалификуваниот сертификат или на друг начин ќе користи информации или сервиси обезбедени од Издавачот.

ВИША СИЛА

Член 7

„Виша сила“ се однесува на секој настан, вклучувајќи, но без ограничување на, војни или природни катастрофи, кои не се предвидливи, чија појава и ефекти се неминовни и несовладливи. Издавачот кој во потполност или делумно не е во состојба да го исполни овој Договор, поради појава на Виша сила, ќе биде изземен од сите или од некои одговорности наведени овде. Експлицитно, Издавачот нема да биде одговорен за секое доцнење, пропуст или грешка во перформансите согласно овој Договор до степен на т.н. дефекти или одложувања кои се непосредно предизвикани од услови надвор од (разумна) контрола на Издавачот и се случуваат без негова вина или небрежност, вклучувајќи, без ограничување, природни непогоди (земјотреси, пожари, поплави), социјални настани (штрајкови, војни, немири или другите големи пресврти), акти на јавната власт и нарушувања во функционирањето на системот.

НАДЛЕЖЕН ЗАКОН

Член 8

За се што не е регулирано со овој Договор, ќе се применуваат одредбите од Правилата.

ЗАВРШНИ ОДРЕДБИ

Член 9

Во случај некој член или клаузула од овој Договор, од соодветен суд или од друг надлежен авторитет бидат прогласени за ништовни, остатокот од Договорот ќе остане во сила.

Член 10

Засегнатата страна се согласува дека за било кое несогласување кое се однесува на услугите обезбедени со овој Договор прво ќе го извести Издавачот со цел разрешување на спорот. Ако спорот не се разреши во рок од 60 (шеесет) денови по информирањето, тогаш една од страните може да бара разрешување на суд. Надлежен суд е судот во Скопје.